Getippte Favoriten | D'Sportsdeddessen

Brasilien	181
Frankräich	153
Argentinien	136
Däitschland	92
England	76
Spuenien	67
Belsch	62
Portugal	56
Holland	46
Dänemark	10
Schwäiz	5
Senegal	5
Uruguay	3
Kamerun	2
Serbien	2
Kroatien	1
USA	1
Kanada	1
Australien	1

News Ticker

D'Präissiwwereeschung wäert am Januar am Hotel Leweck stattfannen, d'Gewënner wäerten demnächst per email kontaktéiert ginn. Wéi ëmmer fuere mir nom Prinzip datt den 1. sech säi Präis däerf eraussichen, dann den 2., dann den 3. etc.

vum Swissman virun 3 Monate 1 Woche

Vu que datt mir 15. Präisser hunn, ginn och den Nic Antony, den MJ, den Earthling, de Luc R. an de Chrëscht op de Plazen 11-15. net eidel aus, feelend Präisser ginn deemnächst an der entspriechender Rubrik aktualiséiert.

vum Swissman virun 3 Monate 1 Woche

8. an 9. sin MKA an Pol Streicher, déi och wéi den 6. genau 174 Punkten hunn, just eben manner Volltreffer. 1 Punkt do hannendrun kënnt den Tronci Jérôme deen domatter d'Top 10 vervollstännegt.

vum Swissman virun 3 Monate 1 Woche

7. gëtt den Ha Nguyen, punktgläich mam Käpt'n Chouffe, an si hunn och allen zwee 6 Volltreffer, do huet also d'Schätzfro missten entscheeden. Et sinn insgesamt 172 Goaler gefall, den Käpt'n Chouffe läit mat 181 däitlech méi no wéi den Ha (81).

vum Swissman virun 3 Monate 1 Woche

Do 1 Punkt hannendrun kënnt de Bruno Brunetti op Plaz 5, deen wéi den Käpt'n Chouffe (6.) dovu profitéiert dass en Argentinien als Gewënner an den Mbappé als Goalgetter gewielt haat, wat sech schlussendlech als déi perfekten Kombinatioun erwisen huet.

vum Swissman virun 3 Monate 1 Woche

Den Tippspill-Podium versvollstännegen 6 Punkten hannert dem Japs den Diogo Barreiro and Mariette Thilmany, den Diogo ass 2. duerch déi 7 Volltreffer, d'Mariette ass also 3. an domatt beschten Damm, 2 Punkten virum Jenny Frères op der 4. Plaz.

vum Swissman virun 3 Monate 1 Woche

Am Tippspill heescht eise Weltmeescher "Japs", hien huet de richtege Weltmeeschter getippt, an haat de Messi als Torschütze, deen ëmmerhin 7 Goaler geschoss huet, an 8 Volltreffer !! Gratulatioun zum Gewënn vum 1. Präiss am Deddessen WM Tippspill 2022 !!

vum Swissman virun 3 Monate 1 Woche

Héichspannung bis zur leschter Minutt wéi verpsrach - Argentinien gewënnt am 11m-Schéissen an gëtt fir d'3. Weltmeeschter - 3 Goaler vum Mbappé, 2 vum Messi, déi meeschte Goaler huet Frankräich matt 16 geschoss - et war alles dran !!

vum Swissman virun 3 Monate 1 Woche

Sensationell schéisst den Mbappé 2 Goaler bannen 2 Minutten, a Frankräich gläicht domatt aus. Den Diogo iwwerhëölt rem d‘Féirung.

vum Swissman virun 3 Monate 1 Woche

2-0 féiert Argentinien no 35 min !! Duerch de Goal vum Messi klëmmt de Japs op déi 1. Plaz an den Earthling op déi 4. !

vum Swissman virun 3 Monate 1 Woche

Op jiddefall ass et eng Top-Finall, souwuel vum fussballerschen wéi vum Tippspill hier, matt den Dueller Argentinien (35 x getippt) - Frankräich (34x) an Messi (33x) - Mbappé (62x). Spannung garantéiert bis déi lescht Minutt! Enjoy!

vum Swissman virun 3 Monate 1 Woche

Gewënnt Frankräich, huet den MJ gutt Chancen op den Titel, virausgesat de Messi schéisst net méi Goaler wéi den Mbappé. An deem Fall huet de Luc R. (16.) och nach gutt Chancen op de Podium, well hien Frankräich bei de meeschte Goaler getippt huet.

vum Swissman virun 3 Monate 1 Woche

Wann Argentinien Weltmeeschter gëtt, huet de Japs definitiv déi beschte Chancen op den Titel am Tippspill, do misst den Mbappé schonn 3 Goaler schéissen an de Messi keen fir datt de Bruno Brunetti nach d'Chance hätt vu Plaz 14 op 1 ze klammen.

vum Swissman virun 3 Monate 1 Woche

Den éischte Präiss vun eisem Tippspill steet schonn definitiv fest, an zwar ass daat eng Tablett Schockela fir de Loris Stankovic, deem déi 225. an domatt leschte Plaz net méi ze huelen ass. Traditionell gëtt et dofir ëmmer eng Tablett Schockela !

vum Swissman virun 3 Monate 1 Woche

Waat d'Géigegoaler ugeet, läit Costa Rica mat 11 kloër vir an et ass och äusserst onwahrscheinlech datt daat nach ännert. Well deen héchsten am Ranking matt deem Tipp op der Plaz 31 läit (Hinti), spillt daat keng Roll méi fir de Podium.

vum Swissman virun 3 Monate 2 Wochen

Bonus Tipps "meescht Goaler" an "meescht Géigegoaler": momentan hunn England a Frankräich 13 Goaler, an Argentinien 12. Wa puer Equippen gläichop un der Spëtzt sinn no de leschten 2 Matcher, kritt jiddereen 5 Punkten deen op eng vun hinne gesat huet.

vum Swissman virun 3 Monate 2 Wochen

Nach féiert den Diogo Barreiro 1 Punkt virum Japs an dem Mariette Thilmany, allerdéngs gëtt et kee méiglechen Szenario fir d'Finall wou hien d'Tippspill nach kéint gewannen, well säi Weltmeeschter-Tipp Portugal out ass.

vum Swissman virun 3 Monate 2 Wochen

Argentinien-Frankräich heescht d'Finall vun der Weltmeeschterschaft, wou also 2 villgetippten Favoriten op den Titel openeen treffen. Argentinien gewënnt 3-0 géint Kroatien, an Frankräich klappt Marokko 2-0, ouni Goal vum Mbappé.

vum Swissman virun 3 Monate 2 Wochen

Frankräich gewënnt 2-1 géint England, den Harry Kane schéisst een 11m eran, deen 2. driwwer. Am Klassement ännert net vill, hunn déi éischt 32 (!) all Frankräich als Favorit. D'Mariette Thilmany klëmmt op déi 2. Plaz duerch de Goal vum Harry Kane.

vum Swissman virun 3 Monate 2 Wochen

England-Frankräich heescht déi lescht Véirelsfinall, mat vill Spannung am Tippspill, hunn dach 153 Spiller Frankräich an 76 England als Favorit, a bei de Goalgetter hoffen 5 an den Top 10 op Goaler vum Mbappé, d'Mariette Thilmany hofft op den Harry Kane!

vum Swissman virun 3 Monate 2 Wochen

Sensationell flitt och de nächsten Favorit géint Marokko eraus, an zwar verléiert Portugal do matt 0-1. Obwuel den Diogo Barreiro si als Weltmeeschter getippt huet, bleift hien och ouni Bonuspunkten 4 Punkten virum Japs, Marokko haat keen als Favorit.

vum Swissman virun 3 Monate 2 Wochen

Duerch de Goal vum Messi an d'Qualifikatioun vun Argentinien fir d'Halleffinallen, klëmmt de Japs op déi 2. Plaz., Argentinien ass och säi Weltmeeschtertipp, sou wéi dem Mariette säin op der 2. Plaz, déi also béid nach kënnen d'Tippspill gewannen.

vum Swissman virun 3 Monate 2 Wochen

Duerch de Goal vum Neymar klëmmt LuxPocahontas op déi 2. Plaz, 3 Punkten hannert dem Leader Diogo Barreiro. Mam Mariette Thilmany as momentan eng 2. Fra um Podium vum Tippspill.

vum Swissman virun 3 Monate 2 Wochen

Bei wäitem am meeschten (85) Matspiller hunn Brasilien als Weltmeeschter getippt: abee, déi Punkten si fort, Brasilien verléiert an der 1. Véirelsfinall am 11m-Schéissen géint Kroatien an flitt als gréisste Favorit fréizäiteg eraus!

vum Swissman virun 3 Monate 2 Wochen

Bëssen iwweraschend bleift et och no iwwer 120 Minutten beim 0-0, a well Spuenien et och mol net fäerdeg bréngt am 11m Schéissen een eran ze kréien, fléien sie eraus, an an eiser Tabell bleift alles beim Alen, zumindest bis den Owend.

vum Swissman virun 3 Monate 3 Wochen

Erstaunlecherweis huet keen an den Top 10 Spuenien als Favorit - allerdéngs kéinten den Bruno Brunetti (12.) an den Yves B. (16.) an d'Top 10 rutschen, falls Spuenien sech géint Marokko duerchsetzt. Momentan steet et do nach 0-0 no 65 Minutten.

vum Swissman virun 3 Monate 3 Wochen

LuxPocahontas freet sech iwwer de 1. Goal vum Neymar deen no 2 Matcher Paus rem fit as, an klëmmt domatter op déi 6. Plaz. Muer gëtt et spannend wéi Portugal spillt, an den Top 10 hunn den Diogo Barreiro (1.) an de Luc R. (7.) op sie getippt.

vum Swissman virun 3 Monate 3 Wochen

Den Owend gewënnt Brasilien souverän 4-1 géint Südkorea, mee well jiddereen aus den Top 20 (ausser de Messi2013, hien fällt och 4 Plazen zréck vun 5 op 9) si als Favorit huet, ännert daat och wéineg am Klassement.

vum Swissman virun 3 Monate 3 Wochen

De Mëtteg setzt sech Kroatien no laangem Kampf schlussendlech am 11m Schéissen géint Japan duerch. Well awer just 1 vun 225 Matspiller Kroatien als Favorit getippt huet, ännert daat wéineg an eisem Klassement.

vum Swissman virun 3 Monate 3 Wochen

Am Tippspill bleift den Diogo Barreiro vir, allerdéngs punktgläich mam Mariette Thilmany wat duerch England an de Kane ophëllt, allerdéngs kann den Diogo nach en Dënschdeg op Portugal hoffen fir 4 Punkten méi ze kréien. 3. ass den Ha Nguyen op 1 Punkt..

vum Swissman virun 3 Monate 3 Wochen