*** Brunch fir 2 Persounen "A Guddesch" ze gewannen! ***
De Comité vun de Sportsdeddessen verloust ënnert allen aktiven Memberen, déi hieren Bäitrag fir 2016 schon iwwerwisen hun an all deenen déi nach bis den 12. Februar 2016 iwwerweisen, e Bong fir ee Brunch fir 2 Persounen "A Guddesch" zu Biereng!
*** Brunch fir 2 Persounen "A Guddesch" ze gewannen! ***
------------
Léiwen Member vun de Sportsdeddessen,
No engem weideren erfollegräiche Joer 2015 si mir als Comité am gaangen weider vill flott Aktivitéiten fir d'Joer 2016 ze plangen.
Mir wärten och dëst Joer op eiser Generalversammlung de 4. März 2016 (Datum an de Kalenner schreiwen! :-)) nees ee positiven Bilan kenen zéien an daat och duerch är Hëllef an Ënnerstëtzung!
Déi nei Memberskaarten fir 2016 sin dann och ab elo ze kréien an eis Memberskaart fir déi nei "Saison" bleift weiderhin bei 10€ fir ee ganzt Joer!
Wanns du nach keng nei Memberskaart fir 2016 hues, da kanns du w.e.g. däi Membersbäitrag bis den 12. Februar op eise Sportsdeddessen-Kont LU52 0019 3255 6229 3000 bei der Spuerkeess iwwerweisen mat der Kommunikatioun "Aktiven Member 2016 + Numm + Virnumm".
Nom 12. Februar gett dann och eis Memberslëscht an eis Mailinglëscht aktualiséiert a falls mir bis dohinner keng Reaktioun sollten vun dir kritt hun, da gi mir dovunner aus, dass leider keen Interesse méi besteet fir weiderhin bei eis Member ze sin a regelméisseg informéiert ze gin waat, wéini, wou leeft. Mir passen dann eis Lëscht och dementspriechend un. :-)
Op eisem Site www.sportsdeddessen.lu kanns du wéi gewinnt am Kalenner noliesen waat leeft, du kanns dech fir déi verschidden Events während dem Joer aschreiwen an deng Donnéen nokucken, änneren, etc.
Mir hoffen natiirlech dass mir dech och am Joer 2016 weiderhin zu eisen treien Memberen zielen kënen an dir vill flott Aktivitéiten kënen ubidden.
Am Joer 2016 steet dann ënnert aanerem ee Bundesligamätch, Karting, Fussball, Volleyball, Badminton,Summercup a villes méi um Programm! :-)
P.S.: Mir soen och op dësem Wee och nach eemol eisen Sponsoren Merci fir hier Ënnerstëtzung an an der Annexe fëns du Infoen iwwert d'Virdeeler déi eis Memberen an de Veräin vun eisen Sponsoren gebueden kréien. :-)
Merci am viraus,
Mat sportleche Gréiss,
Äre Comité vun de Sportsdeddessen
