Wäindégustatioun vun "Caves Schlink"

Salut Deddessen,
 
Nom Motto, "e gudden Miseler Wéngechen ass eiser Herrgotts Medezin" hu mir am Komitee eis geduecht, fir iech no deem ville Sport deen mir an der Lescht gemeet hun, och eemol eppes unzebidden fir ze genéissen...

Dofir invitéieren mir Iech heimat ganz haerzlech op eng Wäindégustatioun vun "Caves Schlink" den 30. Abrëll am Sporthotel Leweck zu Lëppscht. Vu dass den 1. Mee jo fräi ass, wollten mir eis et an enger lockerer Ronn gudd goen loossen. De Jean Marc Schlink kennt héichstperséinlech bis rop fir eis di gudd Draiwschen vun der Musel virzestellen.
 
De Programm vum Owend gesäit folgendermossen aus:
 
Rendez-vous um 18.30 an der klénger Bar bei der Schwemm
 
Dégustation vun +-10 Wäiner + Créments um 19.00 - 20.30
 
Duerno gi mer eis zesummen an de Restaurant stärken. Zur Auswahl stinn folgend Menuen:
 
A) Bouchée à la reine, Frites, Salade: 21,50€
 
B) Cordon Bleu aux Champignons, Frites: 23,70
 
C) Filet de l'Aigle Fin aux Asperges: 24,30€
 
Mir vum Komitee hoffen, dass Du respektiv Du an dain Partner mat dobäi sidd a mir fréen eis lo schon op e relaxen a lëschtegen Owend.  
 
Op dësem Link kënnt Dir Iech umëllen an wann et geet, da schreiwt och dran waat Dir wëllt Iessen.

Merci a bis geschwënn,

De Sportsdeddessen Komitee